कसा कातरवेळेला घुमे मनाचा पारवा
हवे आभाळ मुठीत, चंद्र ओंजळीत हवा
किलबिलणारी सांज, ओढ मनी कोटराची,
निळ्या नभाचे कोंदण, तसा पाखरांचा थवा
वृंदावनात तुळस, मंजि-यांची दाट नक्षी
प्रकाशाची फुले झाली, उजळता सांजदिवा
वेल जाईची सजली चांदण्यांच्या बहराने,
मस्त गंधाच्या धुंदीत निशिगंधाचा ताटवा
देव्हा-यातल्या ज्योतीने घरदार प्रकाशले,
मन माझे उजळतो तुझ्या भासाचा काजवा
हवे आभाळ मुठीत, चंद्र ओंजळीत हवा
किलबिलणारी सांज, ओढ मनी कोटराची,
निळ्या नभाचे कोंदण, तसा पाखरांचा थवा
वृंदावनात तुळस, मंजि-यांची दाट नक्षी
प्रकाशाची फुले झाली, उजळता सांजदिवा
वेल जाईची सजली चांदण्यांच्या बहराने,
मस्त गंधाच्या धुंदीत निशिगंधाचा ताटवा
देव्हा-यातल्या ज्योतीने घरदार प्रकाशले,
मन माझे उजळतो तुझ्या भासाचा काजवा
३ टिप्पण्या:
वृंदावनात तुळस, मंजि-यांची दाट नक्षी
प्रकाशाची फुले झाली, उजळता सांजदिवा
हे आवडलं.
अप्रतिम.
ओंजळीतला चंद्र आणि काजव्यानें मन उजळणॆं झकास.
सुधीर कांदळकर
>>वृंदावनात तुळस, मंजि-यांची दाट नक्षी
प्रकाशाची फुले झाली, उजळता सांजदिवा
मलाही याच ओळी आवडल्या.
टिप्पणी पोस्ट करा